Dar biese Verstand

Nee, nee – ju, ju – wie gieht doas zu,

doas ies verleicht a Läben –

der Herrgott mags vergäben

doß ma sich olls zu Nutze macht,

woas äbenst explodiert und kracht

und ruiniert de ganze Welt

doß schlißlich se aussomma fällt!

Ma kimmt bei dem Gedanka

goar uffte jitz eis Wanka

und denkt – nee, nee – ju, ju -

wie gieht doas zu

doß der Verstand uff Aerden

koan su gefährlich werden?

Ma hoot a doch nich mitgekriegt,

doß ma sich su ei Schuld verstrickt

und olles Vulk ei Angst verfällt,

nee, nee – ju, ju – su ies na gellt?

Doo mecht ma sprecha, tumm zu blei´n

doas konn dann o nee schlimmer sein!

M. Dopp